الأحد، نوفمبر 20، 2011

ما تتقليش علينا اوي كده يا مصر

ليه يا مصر كل مرة نهون عليكي كده 
مستكترة علينا الثورة والحرية 
حتى بقى الشهداء بيتركنوا  جنب صناديق الزبالة
حتى الموت بقى سهل اوي كده
سهل يسحل جثة بني ادم بالشكل دا
بقى الشهداء عبارة عن ارقام على الشاشات 
بيزيدوا رقم ورا رقم 
كاننا في سباق لاكبر عدد قتلى وضحايا في الثورات
قبل 25 يناير قلنا ماحدش فاهم ماحدش عارف 
لكن بعدها بسنة لسه مافهموش 
لسه بياخدوا اوامر
لسه فيه حاجة في البلد دي بيتخاف منها او عليها
هي حياتك اغلى من حياتنا





الأربعاء، نوفمبر 02، 2011

اما.......أو.......

دا مش درس نحو يا مصر ,دا اخر قرار عندي 
صحيح أنا قلت مش هسيبك ووعدتك بكده بس كنت فاكرة انك هتتعدلي وتبقى كويسة زي بقية الدول المحترمة اللى بتخاف على شعبها , وأنا فعلا مش هسيبك ..........
العار العار ........هو فعلا لو سيبتك دلوقتي , مش حبا فيكي (لا هبقى بضحك عليكي).......
لكن عشان فيه دم شهدا لازم نحافظ عليه...
عشان فيه فقرا , فلوسهم بتتسرق قدام عينيهم ومش قادرين يتكلموا...
عشان فيه ناس مش لاقية شغل لان عواجيزك يا مصر حلفوا ما يموتوا الا على كراسيهم ...
عشان ارضك البور يا مصر , والمياة مالية نيلك....
عشان حقي فيكي يا مصر......
وأحب اقولك ان قراري الاخير.............
اما اعيش على أرضك بكرامة 
أو ادفن في ترابك بشرف 
(لاني ما عنديش حاجة اخسرها........... لانك ضعتي خلاص )